ചരിത്രം

കണ്ണൂർ സർവകലാശാലയുടെ മാനേജ്മെന്റ് പഠന വകുപ്പ് പ്രൊഫഷണൽ ഉന്നമനമുള്ള ഭാവി മാനേജർമാരെ വാർത്തെടുക്കുക എന്ന ഉദ്ദേശ്യത്തോടെ 2000 ആണ്ടിൽ സ്ഥാപിച്ചു. തുടക്കം മുതൽ ഡോ. പി ടി രവീന്ദ്രൻ ആയിരുന്നു വകുപ്പ് മേധാവി. വകുപ്പ് മുഴുവൻ സമയ എം ബി എ യ്ക്ക് പുറമെ കോമേഴ്‌സിലും മാനേജ്മെന്റിലും ഡോക്ടറൽ പ്രോഗ്രാമും നൽകുന്നു. വകുപ്പിന്റെ ആദ്യ ബാച്ച് 2002 ആണ്ടിൽ വിജയശ്രീലാളിതരായി പുറത്തു വന്നു. വകുപ്പിൽ നിന്ന് 18 ബാച്ച് എം ബി എ വിദ്യാർത്ഥികൾ അവരുടെ മാസ്‌റ്റേഴ്‌സ് പ്രോഗ്രാം വിജയകരമായി പൂർത്തിയാക്കിയിട്ടുണ്ട്.

വകുപ്പിന്റെ ആരംഭം – 2000

ആദ്യത്തെ എം ബി എ ബാച്ച് – 2000- 2002

വകുപ്പിൽ നിന്ന് ആദ്യത്തെ പിഎച്ച് ഡി സമ്മാനിക്കുന്നു – 2008

മാസ്റ്റർ ഓഫ് ബിസിനസ് അഡ്മിനിസ്ട്രേഷൻ

വകുപ്പിന്റെ എം ബി എ പ്രോഗ്രാം (മുഴുവൻ സമയ ക്രെഡിറ്റ് സെമസ്റ്റർ) നാല് സെമസ്റ്ററുകളിലായി പരന്നു കിടക്കുന്ന രണ്ട് വർഷ കാലാവധിക്കാണ്. വകുപ്പ് ആറ് സ്ട്രീമുകളിൽ സ്പെഷ്യലൈസേഷൻ നൽകുന്നു: ഫിനാൻസ്, ഹ്യൂമൻ റിസോഴ്‌സസ്, മാർക്കറ്റിംഗ്, പ്രൊഡക്ഷൻ & ഓപ്പറേഷൻസ് മാനേജ്മെന്റ്, സ്മാൾ ബിസിനസ് മാനേജ്മെന്റ്, ഇൻഫർമേഷൻ ടെക്നോളജി. രണ്ടാം സെമസ്റ്റർ പരീക്ഷകൾ പൂർത്തിയാക്കിയ ശേഷം വിദ്യാർത്ഥികൾ നാല് ആഴ്ചത്തേയ്ക്ക് ഒരു വേനൽക്കാല പ്രോജക്ട് ഏറ്റെടുക്കണം. എട്ടാഴ്ച്ചക്കാലത്തേയ്ക്കുള്ള അവസാന പ്രോജക്ട് പഠനം നാലാം സെമസ്റ്ററിന്റെ തുടക്കത്തിലാണ്.